مدام خطيت
بلاش ترجع
انت اشتهيت السكة والمشاوير
وانت اللى صورلك خيالك
تتملى فى عنيها
هيا يادوب لحظة
ووقعت من فوق الفرس
لا بقيت عنتر زمانك
ولا استويت على عرشها سلطان
شوف الحقيقة المرة يا غلبان
بقيت شاعر
ودرت بربابة
غنيت غنا بلدى
غنا ممنوع
غنا يوجع
لكن ومين يسمع
لبست توب الخيش
وبتحلم بلقمة عيش
وهيا ولا سامعة
القلعة بصالك من فوق جبل عالى
واتابك العسكر خيلة نزلالك
سيدى الرفاعى خايف تهوب له
وجامع السلطان قالك بلاش دوشة
انزل هناك وسط الهاموش غنى
سوق السلاح بيشغى بالعسكر
حرامية بالميرى
حاصروك بكام اورطة
ـــــــــــــــــــــــــــــــــــــــــــــــــــــــــ
التصنيفات : غير مصنف |
